المساعد الشخصي الرقمي

مشاهدة النسخة كاملة : نظرة الفتيات في الشباب السعودي قمة القهر


اميره الابتسامه
12-25-2010, 11:37 AM
نظرة الفتيات في الشباب السعودي قمة القهر


مساكم الله بالخير جميع كل واحد باسمه

مره وانا جالس اتصفح في النت

مريت على احدى المنتديات وياليتني ما مريت

حصلت بنت وللاسف سعوديه منزله موضوع عن الشباب السعودي

ماخفيكم علم بأن الموضوع رفع لي ضغطي والله

المشكله انها منزله الموضوع في منتديات اجنبيه


وحبيت اني انقلكم الموضوع ابغى اشوف هل من المعقول ان تكون نظرة الفتيات في الشباب السعودي بهذا القدر

الحين تفرجوا على قمة الاهانةhttp://www.bdr130.net/vb/images/smilies/cry_smile.gif :ـــــــــــــــــــــــــــــــــــــــــــــــــ ـ



السلام عليكم ورحمة الله وبركاته..

موضوعنا اليوم عن الهايتين على البحرين وياكثرهم

طبعا اكثر شي يفشل ان ثلاثة ارباعهم سعوديين ..

اللي دفعني الى كتابة هذا الموضوع هو تواجدي من ظهر امس الى نهاية الليل في البحرين.. ولم تكن تلك اول زيارة لي الى الدولة الشقيقة >> يا عيني على الاشقاء

المووهم..

انا كنت رايحة ازور جدتي اللي راحت تسوي عملية هناك وكانت منومة في المستشفى.. رحت انا والاهل كلهم وبعض افراد العائلة..

طبعا انا الحين كبيرة وصرت افهم وش اللي قاعد يصير واللي اشوفه قدامي..

بعد ما زرنا جدتي - طول الله عمرها - طلعنا وقالو بيروحو البيت..
لكن هيييييييييين وش بيته وانا معاهم ..

قلت لا لا .. السوووووووووووووووووووووووق مابي ارجع بدون ما اصرف شي والا جاتني سخوونة وارتفع ضغطي

كنا سيارتين / فاززززعين كلنا للجدة هههههه
وانا واخواني دورنا على السوق اما الوالدة والباقي رجعو البيت..

اول شي رحنا مجمع السيف وطبعا انواااع السعوديين هنااك
انا وش كانت وظيفتي قبل ما يصفط اخوي السيارة؟؟
كنت اتأمل لوايح السيارات >>> مخاافر لوول
اللي مكتووب السعوودية بدوون اي تردد اناظر بالاشخاص اللي في السيارة ..


و وا اسفااااه ، طبعا تلقى الواحد مكشششخ حد ام الدعسة
والشعر سبايكي والا كيرلي والا محلق الفلافل على الصفر ههههه والنظارات عامية عيونه - بعضهم حتى بالليل لابسين نظارات - خخخخ طبعا نعرف ليش عشان لو شافهم احد ما يتفشلوون ويشككون هذا فلان؟؟ لا اكيد مو هو..

نعوود لمحور حديثنا...

والملابس اخر صيحة والسيارة اخر موديل ولونها صارخ (اصفر برتقالي) لزوووم السيارة سبوورت لازم لونها يلفت النظر والا شلووون


ولكن .. وين الفشلة وسواد الوجه ؟؟

البنت الروسية والا الفلبينية اللي جالسة جنبه

طبعا لمن تنزل من السيارة اما لابسة شورت قصير والا تنورة قصيرة اذا هب الهوا طلعت كل الفضايح اللي تحتها .. وهو يحليله مبسوووط ورافع خشمه في السما من قده راكبة وياه وحدة ........... (اكمل الفراغ بما يناسبه) بيخليها تصرف من جيبه كم الف بعدين بيروح يسكر معاها طول الليل في المرقص وبعد المرقص لا تسألوووني لان انترنت السعودية فيه رقابة مو مثل البحرين مايصير اكتب اي شي

الحين شفتلكم كم واحد من هالصايعين سودان الوجيه وهم بيدخلون المجمع.. وانا اتهامس مع خطيبة اخوي شوفي هذاك السعودي؟ شوفي هذاك المشمغ اللي واقف هناك.. اقطع ايدي اذا مو سعودي..
- وشلوون عرفتي؟
- بلله شوووفي شلون يدز خويه لما تمر البنت شوي ويقطع المسبحة اللي في ايده.
- تظنين انه جالس يستغفر على اللي يشوفه (بنات اشكال والوان ميك اب ودلع و شعر اشقر وشعر اسود اللي تبيه) >>> دعاااية حق البحرين خخخخخ
- وش يسبح انتي ووجهك تراه جالس يقول " سبحان الذي خلق لنا كل هذا الجمال"
- ههههههههههههههه صحيح

دخلنا كم معرض بعدين الامبراطوور يبي يتعشى وانا خلصت عشاي بدري عشان اخذ راحتي في الحش والنش والبحث عن فضايح الداشرين

الموووهم .. جو سعوديين ثلاثة واقفين جنب طاولتنا ..
اخوانا هالمرة مشمغين وريحة العطر واصلة لاخر الدنيا..
عاااد بدا شغل المراقبة .. لمن تمر وحدة يصيرون كذه
وكل واحد يدز الثاني وكانه يقوله طالع طالع الزززين على اصوله حرية وديمقراطية وبنات من كل الجنسيات,,

ولمن تمر السعودية بالمجمع يقعد يترزز و لمن يدور حق يكلم خوية يدور جسمه كله خايف الغترة تختررب وربي كان مكتوت عليه كيلو نشا عشان يظل ثابت كانه عظم خخخخخخخخخخخخخ
ويتلووون وجهم اذا مرت جنبهم سعودية عااد مدري وش احساسهم حزتها بس اظن واحد من :

1- الاحساس بالذنب لانه جالس يبحلق في الفلبينيات والروسيات المنمشين وباقي الاجناس الرخيصة ،،، وتارك هالزين وهالرزة

2- احساس بالاحراج كونه افتضح امره ويشعر بالنقصان اكثر من اي وقت مضى

اما اللي مرررة بايعينها وماعندهم فيها وخلاص يا ارض اهتزي ماحدا قدي شلووون طريقة تفكيرهم لمن تمر جنبهم سعودية في البحرين:

1- شووووفي معاي وحدة شقرا عيونها زرق ولابسة قصير.

2-الشعور بالاهمية .. شوفوني يابنات السعوودية ومووتو قهر انا ماشي مع فلبينية وتاركك اجل تتغلين انتي ووجهك ابوووك يبي مهر يجيب لي مية وحدة من هاللي جنبي <<<<<<<<< خخخخخخخ هذا انواع الغباء


المووووووووووووهم .. بعد العشا قمنا نتمنشى في السوق وخذلك انواع التحف والمخفات يحوسون في كل مكان ..
دخلنا محل جوالات وكان في واحد لابس شورت طويل وشعره قرعة صفر وماسك بنت فلبينا من خصرها وقاعدين يتفرجو على الجوالات ..
انا شكتت انه سعودية لان هالشيف ما يطلعون الا من عندنا للاسف..
والانجليزية زي الزفت مثل الشكل..
وبينما كان الجميع منشغلين في المحل بالجوالالات والكفرات انا كنت مركزة على هالولد.. الا اعرررررف من وين..
اشرتله الفلبينية على جوال مدري شسمه لكن شكله غاالي وجديد حتى الولد تغير لونه وضاعت علوومه هههههههههههههههههههههههههههه اسمعه يقول الها :
ذس از نوت قود هوني اي ثنك يو هاف تو شوز انذر ون
This is not good honey, I think you have to chosse another one

قامت البنت ومصعت بوزها وقالتله: بليززز اي وانت انت بليزز
Please I want it pleassssssssse

االولد سكت شوي بعدين طلع المحفظة بعد كم تنهيدة.. وجييييييييييييك بطاقة بنك الريااااااااااااززز خخخخخخخخخخخخخخخخخخخخخخخخخ

شكله طير كل الفلوووس على تسوقها لانها كانت حاملة كيس كبير حق لاسينزا وهو ماسك كيس مانغو وزارا خخخخخخ

وربي مسخرررة بعد ما عطوها كيس الجوال صكته بوووسة على خده خلته يشق الحلق كذه ********>>>


طبعا هذا نموووذج بسيط وفيض من غيض..
البحرين تعج بهالاشكال والادهى لمن يجيك شايب متأبط ذراع وحدة .... ومصر يتزوجها خخخخخخخخخخخخخ دايما نسمع هالقصص المخجلة ونتأسف على مجتمعنا اللي بدأ ينحل ويتحول الى مسخرة مابعدها مسخرة بسبب روسيات الامارات و فلبينيات وهنديات البحرين.


مرة صديقتي قالتلي عن ابو صاحبتها كان يشتغل في ارامكو ويوم انه تقاعد تركهم وتزوج رقاصة كبيرهات هندية في البحرين وتركهم 3 سنين ويوم مرض وجاله عقاب رب العالمين رجع لاهله واولاده وبناته وزوجته طلبت الطلاق من المحكمة وبعد سنة تزوجت وضاعو ولادهم


وقبل شوي سويت بحث عن الشباب اللي يروحون البحرين وشفت هالمووضوع المخزي والمنشور في احد المنتديات البحرينية .. شوفو اهل البحرين وش يقولون عنكم ياللي فشلتونا وربي السعودية حرام تصرف ريال واحد حق هالحشرات اللي كل اسبوع مترززين عند المراقص ووالنوادي ــــــــــــــــــــــــــــــــــــــــــــــــــ


الحين بعد ما شفمت كلامها ابغى اشوف نظرتكم انتم كلكم


أبغى اشوف البنات قبل الشباب يا ليت عشان اعرف هل الفكره ذي سائده على الجميع
http://www.bdr130.net/vb/images/smilies/77_77.gif


أتمنى أشوف شي يروق الاعصاب بدال ما يرفع الضغط

أسى الهجران
12-25-2010, 11:49 AM
مآننكر ان هالفئآت موجودهـ..وموجوده بعد بكــــــــــل المجتمعات ..

بس الخطآء بآالتعميم ..مثل مافيه السيء بمجتمعنا .. اكيد ان فيه الأفضل دااايم ..


عآفآك البآري على الطرح ..

<<يُنقل لقسم الحوآر والنقآش ..

حكآية حلآ
12-25-2010, 02:25 PM
اممم
والله مو عارفه شو اقول
وعلى قولة اسى فيه الطيب وفيه العكس
مالهم الا دعوة بظهر الغيب الله يصلحهم ويلصح بنات المسلمين
جزآك الله خير واستمتعت بالمناقشه في متصفحك
لكِ وردي

فديتك
12-26-2010, 03:30 PM
حالات ترفع الضغط بس موواجد الله يصلحهم
حماك الله لإبداعك

دمتٍ بكل رقة وصفاء

لبـے خفوقيـے
12-26-2010, 03:35 PM
انا بختلف شوي

شباب السعوديه لما يسافرون

وش هدفهم بالله عليكم

كل شي واضح ما يحتاج اقول او حتى ابرر لهم فعايلهم

ما اقول غير الله يهديهم بس

وفعلا اغليت شباب السعوديه كذا

×